კაპელომ მოაწერა ხელი კონტრაქტს და წელიწადში 6 მილიონ ფუნტს მიიღებს, 2010 წელს მას შეუძლია დატოვოს ნაკრები. ინგლისის ფეხბურთის უფროსობა კმაყოფილია იმით, რომ ჟოზე მაურინიოსთან უშედეგო მოლაპარაკების შემდეგ ამ სკამზე ფაბიო კაპელო დაჯდა.

 

   დონ ფაბიოს მისცეს საშუალება რომ თავისთან ერთად მას წამოეყვანა ასისტენტებიც და მწვრთნელთა საბჭოც სწორედ ფაბიომ შექმნა. ფრანკო ბალდინი, იტალო გალბიატი, ფრანკო ტანკრედი და მასიმო ნერი კაპელოს ასისტენტები იქნებიან.

 

   კაპელო ოფიციალურად გაფორმებულია მაგრამ მისივე განცხადებით 7 იანვრამდე პრესკონფერენციას ის არ მოაწყობს. პირველი ვინც ინგლისის ფეხბურთის ფედერაციის სათავო შტაბში გამოჩნდა კაპელოს დანიშვნის მერე იყო ინგლისის 21 წლამდელთა ნაკრების მწვრთნელი სტიუარტ პირსი.

 

   ასევე უნდა აღინიშნოს, რომ ალან შირერი და ტონი ადამსი არიან სამწვრთნელო შტაბში შესვლის კანდიდატები. ყველაფერი მხოლოდ მაშინ გადაწყდება როცა ინგლისის ნაკრების მწვრთნელი ინგლისში ისევ დაბრუნდება.