”ამერმა” საქართველოს სუპერთასი შეინარჩუნა: შარშან თბილისელებმა მიხეილ მესხის სახელობის სტადიონზე საქართველოს 2006 წლის ჩემპიონი ბოლნისის ”სიონი” 1:0 დაამარცხეს და პირველად აღმართეს ”ფოლკსვაგენის თასი”.

გორში გამართული შეხვედრის პირველი ტაიმი ”ამერმა” გრიგოლ დოლიძის გოლით მოიგო, მეორე ნახევარში კი თბილისელთა უპირატესობა აშკარა იყო და ”ამერმაც” დიდი ანგარიშით იმარჯვა: 64-ე და 71-ე წუთებზე გრიგოლ დოლიძემ კიდევ ორჯერ დალაშქრა მირზა მერლანის კარი, 86-ე წუთზე რევაზ გოცირიძემ გაიტანა მეოთხე გოლი, მატჩის უკანასკნელ, 90-ე წუთზე კი ყრუაშვილმა საბოლოო ანგარიში დააფიქსირა - 4:1.

გრიგოლ დოლიძე პირველი ფეხბურთელია, რომელმაც საქართველოს სუპერთასზე ჰეთ-თრიქის შეასრულა, ამერელი გივი დიდავა კი ერთადერთია, რომელმაც ეს ჯილდო ხუთჯერ მოიგო: სამჯერ თბილისის ”დინამოს” შემადგენლობაში, ორჯერ კი ”ამერში”.

თბილისის ”ამერს” საპრიზოდ დაწესებული 10 ათასი ლარი გადაეცა. კლუბის კაპიტანს გიორგი დავითნიძეს ”ფოლკსვაგენის თასი” საქართველოს ფეხბურთის ფედერაციის პრეზიდენტმა ნოდარ ახალკაცმა და საქართველოს პროფესიული ფეხბურთის ლიგის გენერალურმა მდივანმა პაატა ბურჯალიანმა გადასცეს.

* * *

საქართველოს სუპერთასი. 9 დეკემბერი, 2007. გორი, ”თენგიზ ბურჯანაძე”. 5.000

”ამერი” (თბილისი) 4:1 ”ოლიმპი” (რუსთავი)

გოლები: 1:0 დოლიძე (31), 2:0 დოლიძე (64), 3:0 დოლიძე (71), 4:0 გოცირიძე (86), 4:1 ყრუაშვილი (90)

”ამერი”: ქვაჩახია, ელბაქიძე, კაკაშვილი, დავითნიძე, დიდავა, ჩიკვილაძე, დეკანოსიძე, ჯელაძე, ბოლქვაძე (მესხი 75), ტატანაშვილი (გოცირიძე 72), დოლიძე (ალავიძე 75)

მწვრთნელი: გიორგი ჩიხრაძე

”ოლიმპი”: მერლანი, დევდარიანი, ორბელაძე, მახვილაძე, ნავალოვსკი (კოშკაძე 62), აკუასაგა, სილაგაძე (ქებაძე 73), დვალიშვილი (ყრუაშვილი 73), გეწაძე, ჯიქია, კახელიშვილი

მწვრთნელი: ანატოლი პისკოვეცი

გაფრთხილება: ჩიკვილაძე, ორბელაძე, ელბაქიძე, ქვაჩახია, დიდავა, ორბელაძე, კახელიშვილი

გაძევება: ორბელაძე (63)

მსაჯები: ლ.ფანიაშვილი; ზ.მენთეშაშვილი, მ.ელიკაშვილი; გ.ვადაჭკორია